கோவா ஜாமூன்

தேவையானவை:

பால் - 1 லிட்டர்

சர்க்கரை - முக்கால் கிலோ

மைதா - முக்கால் கப்

நெய் - கால் கப்

தண்ணீர் - 1 கப்

எண்ணெய் - அரை லிட்டர்

செய்முறை:

அடிகனமான பாத்திரத்தில் பாலை ஊற்றி கொதிக்கவிடவும். கொதித்து வந்ததும் சிறு தீயில் வைத்து அடியில் பிடிக்காமல் கிளறவும்.

பால் மூன்றில் ஒரு பங்காக வற்றும் வரை கிளறவும். பின்னர் இறக்கி ஆறவைத்து அதில் மைதா, நெய் சேர்த்து லேசாக பிசையவும்.

அதைத்தொடர்ந்து சிறு சிறு உருண்டை களாக உருட்டிக்கொள்ளவும். அகன்ற பாத்திரத்தில் தண்ணீர் ஊற்றி அதில் சர்க்கரை சேர்த்து பாகு பதத்துக்கு காய்ச்சிக் கொள்ளவும்.

கடாயில் எண்ணெய் ஊற்றி அது சூடானதும் உருண்டைகளை போட்டு பொரித் தெடுக்கவும். பின்னர் பொரித்த உருண்டைகளை காய்ச்சிய பாகுவில் ஊற வைத்து ருசிக்கலாம்.