சாம்பார்

தேவையானவை:

துவரம் பருப்பு - ஒரு கப்

குடைமிளகாய் - 2 (நறுக்கவும்)

பெ.வெங்காயம் - 1 (நறுக்கவும்)

தக்காளி - 2 (நறுக்கவும்)

சாம்பார் பொடி - 1 டேபிள்ஸ்பூன்

மிளகு தூள் - கால் டீஸ்பூன்

பெருங்காய தூள் - கால் டீஸ்பூன்

கொத்தமல்லித் தழை - சிறிதளவு

உப்பு - தேவைக்கு

கடுகு - சிறிதளவு

வெந்தயம் - அரை டீஸ்பூன்

சீரகம் - அரைடீஸ்பூன்

மிளகு - கால் டீஸ்பூன்

பூண்டு - 3 பல்

கறிவேப்பிலை - சிறிதளவு

எண்ணெய் - தேவையான அளவு

செய்முறை: குக்கரில் பருப்பை போட்டு போதுமான அளவு தண்ணீர் ஊற்றி 5 விசில் வரும் வரை வேகவைத்துக்கொள்ளவும். வாணலியில் எண்ணெய் ஊற்றி அது சூடானதும் கடுகு, சீரகம், மிளகு, வெந்தயம், கறிவேப்பிலை போட்டு தாளித்துக்கொள்ளவும். பின்னர் வெங்காயம், பூண்டு சேர்த்து வதக்கவும்.

ஓரளவு வதங்கியதும் குடைமிளகாய், தக்காளி சேர்த்து வதக்கவும். அவை நன்கு வதங்கியதும் மிளகுதூள், சாம்பார் பொடி சேர்த்து கிளறவும். பின்னர் வேகவைத்த பருப்பை கொட்டி போதுமான அளவு தண்ணீர், உப்பு சேர்த்து கொதிக்கவிடவும். சற்று கெட்டியாகி சாம்பார் பதத்துக்கு வந்ததும் பெருங்காயத்தூள், கொத்தமல்லி தழை தூவி இறக்கவும். ருசியான குடைமிளகாய் சாம்பார் ரெடி.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வேர்க்கடலை பொரியல்

தேவையானவை:

குடைமிளகாய் 3 (நறுக்கவும்)

பெ.வெங்காயம் 1 (நறுக்கவும்)

பச்சை வேர்க்கடலை கால் கப்

தேங்காய் துருவல் கால் கப்

கடுகு, உளுத்தம்பருப்பு சிறிதளவு

காய்ந்த மிளகாய் 3

கொத்தமல்லி தழை சிறிதளவு

உப்பு தேவைக்கு

செய்முறை: வாணலியில் பச்சை வேர்க்கடலையை கொட்டி பொன்னிறமாக வறுக்கவும். பின்னர் மிக்சியில் போட்டு பொடித்துக்கொள்ளவும். வாணலியில் எண்ணெய் ஊற்றி அது சூடானதும் கடுகு, உளுத்தம்பருப்பு, மிளகாய் போட்டு தாளிக்கவும்.

பின்னர் வெங்காயத்தை கொட்டி வதக்கிக்கொள்ளவும். நன்கு வதங்கியதும் குடைமிளகாயை கொட்டி ஐந்து நிமிடங்கள் வதக்கவும். அது வதங்கியதும் உப்பு, வேர்க்கடலை, தேங்காய் துருவலை கொஞ்சம் கொஞ்சமாக தூவி நன்றாக கிளறி இறக்கவும். அதனுடன் கொத்தமல்லி தழை தூவி பரிமாறலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கிரேவி

தேவையானவை:

குடைமிளகாய் 2 (நறுக்கவும்)

பெ.வெங்காயம் 1 (நறுக்கவும்)

தக்காளி 2 (நறுக்கவும்)

மிளகாய் தூள் 1 டீஸ்பூன்

தனியா தூள் 1 டீஸ்பூன்

இஞ்சி, பூண்டு விழுது 1 டீஸ்பூன்

முந்திரி பருப்பு 6

தேங்காய்த்துருவல் கால் கப்

சீரகம் 1 டீஸ்பூன்

உப்பு, எண்ணெய் தேவையான அளவு

கொத்தமல்லித்தழை சிறிதளவு

செய்முறை:

முந்திரி பருப்பை சிறிது நேரம் நீரில் ஊறவைத்து அதனுடன் தேங்காய் துருவல் சேர்த்து விழுதாக அரைத்துக்கொள்ளவும். வாணலியில் எண்ணெய் ஊற்றி அது சூடானதும் சீரகத்தை போட்டு தாளிக்கவும். பின்னர் வெங்காயத்தை கொட்டி பொன்னிறமாக வதக்கவும். அதில் தக்காளி, இஞ்சி, பூண்டு விழுது சேர்த்து கிளறவும். பின்னர் குடை மிளகாய், தனியா தூள், மிளகாய் தூள், முந்திரி பருப்பு விழுது, உப்பு ஆகியவற்றை ஒன்றன் பின் ஒன்றாக கொட்டவும். அவை அனைத்தும் கலந்து நன்கு வெந்ததும் கொத்தமல்லி தழையை தூவி இறக்கி விடலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மசாலா சாதம்

தேவையானவை:

குடைமிளகாய் - 2 (நறுக்கவும்)

கடுகு, உளுத்தம்பருப்பு -சிறிதளவு

தனியா -2 டீஸ்பூன்

காய்ந்த மிளகாய் -5

சீரகம் -1 டீஸ்பூன்

வேர்க்கடலை பருப்பு -கால் கப்

கறிவேப்பிலை -சிறிதளவு

கரம் மசாலா தூள் -சிறிதளவு

எண்ணெய், உப்பு -தேவையான அளவு

வடித்த சாதம் -5 கப்

செய்முறை: வாணலியை சிறு தீயில் வைத்து அது சூடானதும் கடுகு, உளுத்தம்பருப்பு, தனியா, சீரகம், மிளகாய், வேர்க்கடலை ஆகியவற்றை ஒவ்வொன்றாக கொட்டி பொன்னிறமாக வறுத்துக்கொள்ளவும். பின்னர் அவற்றை மிக்சியில் போட்டு அரைத்துக்கொள்ளவும், அத்துடன் கரம் மசாலா தூளை சேர்க்கவும்.

வாணலியில் எண்ணெய் ஊற்றி அது சூடானதும் குடைமிளகாயை கொட்டி வதக்கிக்கொள்ளவும். நன்கு வெந்ததும் அரைத்து வைத்துள்ள மசாலா பொடி கலவையை தூவி கிளறவும். பச்சை வாசம் நீங்கியதும் சாதத்தை கொட்டி, உப்பு சேர்த்து கிளறி இறக்கவும். மசாலா சாதம் ரெடி!
விரிவாக படிக்க இங்கே கிளிக் செய்யுங்கள் | READ MORE | CLICK HERE

தட்டை

தேவையானவை:

கோதுமை மாவு - 2 கப்

அரிசி மாவு - 2 டேபிள்ஸ்பூன்

கடலைப்பருப்பு - 2 டீஸ்பூன்

பெருங்காயத்தூள் - கால் டீஸ்பூன்

மிளகாய்த்தூள் - 1 டீஸ்பூன்

வெண்ணெய் - சிறிதளவு

எண்ணெய், உப்பு - தேவையான அளவு

கறிவேப்பிலை - சிறிதளவு

செய்முறை:

கடலைப்பருப்பை அரை மணி நேரம் நீரில் ஊறவைத்துக்கொள்ளவும். அகன்ற பாத்திரத்தில் கோதுமை மாவை கொட்டி அதனுடன் அரிசி மாவு, மிளகாய்த்தூள், கடலைப் பருப்பு, பெருங்காயத்தூள், வெண்ணெய், கறிவேப்பிலை, உப்பு ஆகியவற்றை ஒன்றாக கலந்து கொள்ளவும். பின்னர் சிறிதளவு தண்ணீர் தெளித்து பூரி மாவு பதத்துக்கு பிசைந்து கொள்ளவும். அதனை சிறு உருண்டைகளாக்குங்கள். உருண்டைகளை உள்ளங்கையில் வைத்து அழுத்தி மெலிதாக தட்டைபோல் ஆக்கி கொதிக்கும் எண்ணெய்யில் போட்டு பொரித்தெடுக்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வெல்ல தோசை

வெல்ல தோசை

தேவையானவை:

கோதுமை மாவு - 2 கப்

அரிசி மாவு - அரை கப்

பொடித்த வெல்லம் - அரை கப்

ஏலக்காய் தூள் - சிறிதளவு

தேங்காய் துருவல் - ஒரு கைப்பிடி

உப்பு, எண்ணெய் - தேவையான அளவு

செய்முறை:

ஒரு கப் தண்ணீரில் வெல்லத்தை கரைத்து வடிகட்டிக்கொள்ளவும். அதனுடன் கோதுமை மாவு, அரிசி மாவு, தேங்காய் துருவல், ஏலக்காய் தூள், உப்பு ஆகியவற்றை கலந்து தோசை மாவு பதத்துக்கு கரைத்துக்கொள்ளவும். சிறு தீயில் தவாவை வைத்து எண்ணெய் தடவி மாவை ஊற்றி தோசையாக வார்க்கவும். சுற்றிலும் எண்ணெய் ஊற்றி, நன்றாக வெந்ததும் தோசையை திருப்பி போட்டு எடுத்து பரிமாறவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ரவை புட்டு

ரவை புட்டு

தேவையானவை:

கோதுமை ரவை - 2 கப்

வாழைப்பழம் - 2

நாட்டு சர்க்கரை - தேவையான அளவு

தேங்காய்த் துருவல் - 1 கப்

உப்பு - தேவைக்கு

செய்முறை:

வெறும் வாணலியில் கோதுமை ரவையை கொட்டி பொன்னிறமாக வறுத்துக்கொள்ளவும். பின்னர் கோதுமை ரவையை அகன்ற பாத்திரத்தில் கொட்டி அதனுடன் சுடுநீரை ஊற்றி புட்டு மாவு பதத்துக்கு பிசைந்து கொள்ளவும். புட்டுக் குழலில் கொஞ்சம் தேங்காய் துருவலை போட்டு அதனுள் மாவை போட்டு மீண்டும் தேங்காய் துருவலை போட்டு 10 நிமிடங்கள் வேகவைக்கவும். வெந்ததும் அதன் மேல் நாட்டு சர்க்கரை, வாழைப்பழத்தை போட்டு பிசைந்து ருசிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

இடியாப்பம்

இடியாப்பம்

தேவையானவை:

கோதுமை மாவு - 2 கப்

தண்ணீர் - 3 டம்ளர்

எண்ணெய் - சிறிதளவு

உப்பு - தேவையான அளவு

செய்முறை: வெறும் வாணலியில் கோதுமை மாவைப் போட்டு லேசாக வறுத்துக் கொள்ளவும். அகன்ற பாத்திரத்தில் தண்ணீர் ஊற்றி சூடுபடுத்திக்கொள்ள வேண்டும். அந்த சுடு நீரை கோதுமை மாவில் ஊற்றி பிசைந்து கொள்ளவும். அதனுடன் உப்பும் சேர்த்துக்கொள்ளவும். பிசையும் போது கோதுமை மாவு கையில் ஒட்டக்கூடாது. அதுதான் சரியான பதம். இடியாப்ப தட்டில் எண்ணெய் தடவி அதனுள் பிசைந்துவைத்த மாவை போட்டு இடியாப்பமாக பிழிந்து கொள்ளவும். பிழிந்த இடியாப்பத்தை இட்லி தட்டில் போட்டு வேகவைத்து இறக்கவும். ருசியான கோதுமை இடியாப்பம் ரெடி.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ரவா பூரி பாயசம்

ரவா பூரி பாயசம்

தேவையானவை:

பால் - 2 கப்

சர்க்கரை - தேவைக்கு

கண்டன்ஸ்ட் மில்க் - 100 கிராம்

ஏலக்காய்த்தூள் - சிறிதளவு

ரவை - கால் கப்

மைதா - 1 டேபிள்ஸ்பூன்

உப்பு - சிறிதளவு

நெய் - 1 டேபிள்ஸ்பூன்

எண்ணெய் - தேவைக்கு

செய்முறை:

ரவையுடன் மைதா, நெய், தண்ணீர், உப்பு ஆகியவற்றை சேர்த்து கெட்டியாக பிசைந்து கொள்ளவும். பின்னர் அதனை அரை மணி நேரம் ஊற வைத்து மீண்டும் பிசைந்து பூரி களாக தேய்த்து எண்ணெய்யில் பொரித் தெடுக்கவும். பின்னர் பூரிகளை சிறிய துண்டு களாக நறுக்கிக்கொள்ளவும்.

அகன்ற பாத்திரத்தில் பாலை ஊற்றி காய்ச்சி அதனுடன் கண்டன்ஸ்ட் மில்க், சர்க்கரை சேர்த்து கால் மணி நேரம் கிளறி விடவும். பின்னர் இறக்கி அதில் பூரி துண்டுகள், ஏலக்காய் தூள் சேர்த்து பருகலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ரவா சீடை

ரவா சீடை

தேவையானவை:

பச்சரிசி - 2 கப்

ரவை - கால் கப்

ஜவ்வரிசி - அரை கப்

பச்சைமிளகாய் விழுது - 2 டீஸ்பூன்

புளித்த தயிர் - ஒரு கப்

பெருங்காயத்தூள் - சிறிதளவு

எள் - ஒரு டேபிள்ஸ்பூன்

எண்ணெய், உப்பு - தேவையான அளவு

செய்முறை:

அரிசியை அரைமணி நேரம் தண்ணீரில் ஊற வைத்து வடிகட்டி நிழலில் உலர்த்தவும். ஓரளவு ஈரப்பதத்துடன் இருக்கும்போது மிக்சியில் அரைத்துக் கொள்ளவும். சிறு தீயில் கடாயை வைத்து அதில் மாவை கொட்டி வறுத்தெடுக்கவும்.

பின்பு ஆறவைத்து சலித்துக்கொள்ளவும். ஜவ்வரிசி, ரவையுடன் தயிரை ஊற்றி ஐந்து மணி நேரம் ஊறவைத்துக்கொள்ளவும். நன்கு ஊறியதும் அதனுடன் சலித்த மவை சேர்த்து கிளறவும். பின்னர் அதனுடன் மிளகாய் விழுது, பெருங்காயத்தூள், எள், உப்பு சேர்த்து பிசைந்து சிறு உருண்டை களாக உருட்டி எண்ணெய்யில் பொரித்தெடுக்கவும். ரவா சீடை ரெடி.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ரவா அடை

தேவையானவை:

ரவை -1 கப்

ஓட்ஸ் - அரை கப்

கோதுமைமாவு - அரை கப்

பெ.வெங்காயம் - 2 (நறுக்கவும்)

பச்சை மிளகாய் - 4 (நறுக்கவும்)

கொத்தமல்லி தழை - ஒரு கைப்பிடி

நறுக்கிய கீரை - 1 கப்

சோம்பு தூள் - 1 டீஸ்பூன்

எண்ணெய், உப்பு - தேவையான அளவு

செய்முறை:

வாணலியில் சிறிதளவு எண்ணெய் ஊற்றி ரவையை லேசாக வறுத்துக்கொள்ளவும். அதுபோல் ஓட்ஸையும் வறுக்கவும். பின்னர் ரவை, ஓட்ஸ், கோதுமை மாவு, வெங்காயம், மிளகாய், கீரை, கொத்தமல்லி தழை, உப்பு, சோம்பு தூள் ஆகியவற்றை ஒன்று கலந்து தேவையான அளவு தண்ணீர் ஊற்றி இட்லி மாவு பதத்துக்கு கரைத்துக்கொள்ளவும்.

தோசைக்கல்லை அடுப்பில் வைத்து அது சூடானதும் எண்ணெய் தடவி மாவை சற்று கனமாக ஊற்றி இருபுறமும் வேக வைத்து எடுக்கவும். ருசியான ரவா அடை தயார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ரவா அப்பம்

தேவையானவை:

மைதா - அரை கப்

ரவை - கால் கப்

பொடித்த வெல்லம் - அரை கப்

வாழைப்பழம் - 1

ஏலக்காய்த்தூள் - கால் டீஸ்பூன்

ஆப்ப சோடா - சிறிதளவு

நெய் - 1 டேபிள்ஸ்பூன்

தேங்காய் துருவல் - கால் கப்

செய்முறை:

மைதாவுடன் ரவை, ஏலக்காய்த்தூள், தேங்காய் துருவலை சேர்த்து கிளறிக்கொள்ளவும். அகன்ற பாத்திரத்தில் தண்ணீர் ஊற்றி அதில் வெல்லத்தை கொட்டி பாகு காய்ச்சிக்கொள்ளவும். பின்னர் பாகுவை வடிகட்டி அதனுடன் மைதா மாவு கலவையை சேர்த்து கிளறவும்.

வாழைப் பழத்தையும் அதனுடன் சேர்த்து பிசைந்து கொள்ளவும். இட்லி மாவு பதத்துக்கு வந்தவுடன் ஆப்ப சோடாவை கலந்து கொள்ளவும். பணியார கல்லில் நெய்தடவி மாவை ஊற்றி அப்பங்களாக சுட்டெடுக்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஆப்பிள் பர்பி

தேவையானவை:

ஆப்பிள் - 2 (துருவவும்)

தேங்காய் துருவல் - 2 கப்

சர்க்கரை - தேவைக்கு

நறுக்கிய பிஸ்தா - 10

நெய் - 2 டேபிள்ஸ்பூன்

உப்பு - சிறிதளவு

செய்முறை:

வாணலியில் நெய் ஊற்றி அது உருகியதும் ஆப்பிள், தேங்காய் துருவல், உப்பு சேர்த்து கிளறிக்கொள்ளவும். பின்னர் சர்க்கரையை தூவி கிளறிவிடவும். பர்பி பதத்துக்கு வந்ததும் இறக்கவும். அகன்ற தட்டில் நெய் தடவி அதில் பர்பி கலவையை கொட்டி பரப்பவும். அதில் பிஸ்தாவை தூவி சிறு துண்டுகளாக்கியோ, ஆப்பிள் வடிவத்திலோ வடிவமைத்து ருசிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மால்புவா

தேவையானவை:

மைதா - 1 கப்

கோதுமை மாவு - 1 கப்

ரவை - 1 கப்

துருவிய பன்னீர் - 1/2 கப்

சர்க்கரை - 1 கப்

தண்ணீர் - 1 கப்

எண்ணெய் - தேவைக்கு

சிறுபருப்பு - அரைடீஸ்பூன்

பெருஞ்சீரகம் - 1 டீஸ்பூன்

ஏலக்காய் தூள் - சிறிதளவு

செய்முறை:

அகன்ற பாத்திரத்தில் தண்ணீருடன் சர்க்கரை சேர்த்து கொதிக்கவிட்டு பாகு காய்ச்சிக்கொள்ளவும். பின்னர் ஒரு பாத்திரத்தில் மைதா, கோதுமை மாவு, ரவை, பெருஞ்சீரகம், ஏலக்காய் தூள், பன்னீர் ஆகியவற்றை ஒன்றாக கலந்து அதனுடன் சர்க்கரை பாகுவை ஊற்றி கட்டிப்பிடிக்காமல் கரைத்துக்கொள்ளவும். பின்னர் மாவு கலவையை 5 மணி நேரம் ஊறவைத்துக்கொள்ளவும். மாவு கலவையை அதிரசம் பதத்துக்கு தட்டி கொதிக்கும் எண்ணெய்யில் பொரித்தெடுக்கவும். அதன் மீது சிறு பருப்பை வறுத்து தூவி பரிமாறலாம். ருசியான மால்புவா ரெடி.
விரிவாக படிக்க இங்கே கிளிக் செய்யுங்கள் | READ MORE | CLICK HERE

சாமை அதிரசம்

தேவையானவை:

சாமை அரிசி - 2 கப்

துருவிய வெல்லம் - 2 கப்

ஏலக்காய்தூள் - கால் டீஸ்பூன்

எண்ணெய் - தேவைக்கு

செய்முறை:

சாமை அரிசியை இரண்டு மணி நேரம் நீரில் ஊறவைத்து, வடிகட்டி நிழலில் உலர்த்தவும். ஓரளவு ஈரப்பதம் நீங்கியதும் மிக்ஸியில் அரைத்துக்கொள்ளவும். அகன்ற பாத்திரத்தில் தண்ணீர் ஊற்றி கொதிக்கவிட்டு அதில் வெல்லம் சேர்த்து பாகு காய்ச்சிக்கொள்ளவும். பின்னர் அதனுடன் சாமை மாவை சிறிது சிறிதாக கொட்டி கிளறி விடவும். அதனுடன் ஏலக்காய்தூள் சேர்த்து இறக்கி மாவு கலவையை ஓரிரு நாட்கள் புளிக்க வைக்கவும். பின்னர் அதிரசமாக தட்டி, கொதிக்கும் எண்ணெய்யில் போட்டு பொரித்தெடுத்து ருசிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மில்க் பேடா

தேவையானவை:

கெட்டியான பால் - கால் லிட்டர்

பால் பவுடர் - 1 கப்

நெய் - 1 டேபிள்ஸ்பூன்

ஏலக்காய் தூள் - சிறிதளவு

ஜாதிக்காய் தூள் - சிறிதளவு

குங்குமப் பூ - சிறிதளவு

செய்முறை:

கடாயில் நெய் ஊற்றி அது உருகியதும் பால் மற்றும் பால் பவுடரை சேர்த்து கிளறவும். அடிப்பகுதியில் பிடிக்காத அளவுக்கு 3 நிமிடங்கள் கிளறிக்கொண்டிருக்கவும். பின்னர் அதனுடன் ஏலக்காய்தூள், ஜாதிக்காய் தூள் சேர்த்து கிளறவும். கடாயின் பக்கவாட்டு பகுதிகள் ஒட்டாத பதம் அளவுக்கு வரும் வரை கிளறி இறக்கவும். ஆறியவுடன் குங்குமப்பூவை சேர்த்து பந்து வடிவத்தில் உருட்டவும். பின்னர் பேடா வடிவத்திற்கு சிறு வட்டமாக தட்டி நடுப்பகுதியில் பெருவிரலை அழுத்தவும். சுவையான மில்க் பேடா ரெடி.
விரிவாக படிக்க இங்கே கிளிக் செய்யுங்கள் | READ MORE | CLICK HERE

காலிபிளவர் மசாலா தோசை

தேவையானவை:

தோசை மாவு - 3 கப்

தனியாத்தூள் - 1 டீஸ்பூன்

இஞ்சி பூண்டு - 1 டீஸ்பூன் விழுது

காலிபிளவர் - 1 (நறுக்கிக் கொள்ளவும்)

பெ.வெங்காயம் - 2 (நறுக்கவும்)

தக்காளி - 2 (நறுக்கவும்)

மஞ்சள்தூள் - சிறிதளவு

மிளகாய்த்தூள் - தேவைக்கு

எண்ணெய், உப்பு - தேவையான அளவு

செய்முறை:

வாணலியில் எண்ணெய் ஊற்றி அது சூடானதும் வெங்காயத்தை கொட்டி வதக்கவும். அது நன்கு வதங்கியதும் இஞ்சி, பூண்டு விழுதை சேர்த்து கிளறவும். பின்னர் தக்காளியை கொட்டி வதக்கவும். தக்காளி வதங்கியதும் காலிபிளவரை சேர்த்து வதக்கிக்கொள்ளவும். பின்பு அதனுடன் மஞ்சள் தூள், தனியாத்தூள், மிளகாய்த்தூள் சேர்த்து கிளறவும். மசாலா வாசம் நீங்கியதும் சிறிதளவு தண்ணீர் ஊற்றி அனைத்தையும் வேகவைத்து இறக்கவும். தோசையை சுட்டெடுத்து, மசாலாவை உள்ளே வைத்து பரிமாறலாம்.



விரிவாக படிக்க இங்கே கிளிக் செய்யுங்கள் | READ MORE | CLICK HERE

குடைமிளகாய் தோசை

தேவையானவை:

தோசை மாவு - 2 கப்

மஞ்சள் குடைமிளகாய் - 2 (நறுக்கவும்)

பச்சை குடைமிளகாய் - 2 (நறுக்கவும்)

சிவப்பு குடைமிளகாய் - 2 (நறுக்கவும்)

பச்சைப் பட்டாணி - 1 கப்

துருவிய - கால் கப் பாலாடைக்கட்டி

பெ.வெங்காயம் - 4 (நறுக்கவும்)

கொத்தமல்லி - சிறிதளவு தழை

எண்ணெய் - தேவையான அளவு

செய்முறை:

அடுப்பில் தோசைக்கல்லை வைத்து எண்ணெய் தடவி தோசை மாவை சற்று கனமாக ஊற்றவும். அதன் மீது குடைமிளகாய் வகைகள், வெங்காயம், கொத்தமல்லி தழை, பாலாடைக்கட்டி ஆகியவற்றை பரவலாக தூவவும். தோசையை சுற்றிலும் சிறிது எண்ணெய் ஊற்றி மூடிவைக்கவும். ஒரு பக்கம் நன்றாக வெந்தாலே போதுமானது. அதை அப்படியே எடுத்து பரிமாறலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

வெண்டைக்காய் தோசை

தேவையானவை:

புழுங்கல் அரிசி - ஒன்றரை கப்

காய்ந்த மிளகாய் - 3

பெ.வெங்காயம் - 1 (நறுக்கவும்)

கேரட் - 1 (துருவவும்)

வெண்டைக்காய் - 100 கிராம்

கடுகு, சீரகம் - ஒரு டீஸ்பூன்

உப்பு, எண்ணெய் - தேவையான அளவு

கொத்தமல்லி - சிறிதளவு தழை

செய்முறை:

அரிசியை ஒரு மணி நேரம் நீரில் ஊற வைத்துக்கொள்ளவும். பின்பு அதனுடன் காய்ந்த மிளகாய், உப்பு சேர்த்து மிருதுவாக அரைக்கவும். ஓரளவு அரைபட்டதும் வெண்டைக்காயை சேர்த்து நைசாக அரைத்து புளிக்க வைக்கவும். மாவு புளித்ததும் கடுகு சீரகத்தை தாளித்து அதனுடன் சேர்த்துக்கொள்ளவும். அடுப்பில் தோசைக்கல்லை வைத்து எண்ணெய் தடவிக்கொள்ளவும். அது சூடானதும் மாவை ஊற்றவும். அதனுடன் வெங்காயம், கேரட், கொத்தமல்லி தழையை தூவி தோசைகளாக சுட்டெடுக்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தக்காளி தோசை

தேவையானவை:

பச்சரிசி - 1 கப்

புழுங்கல் அரிசி - 1/2 கப்

உளுந்து - கால் கப்

பெ.வெங்காயம் - 2

காய்ந்த மிளகாய் - 5

தக்காளி - 5 (நறுக்கவும்)

எண்ணெய், உப்பு - தேவையான அளவு

செய்முறை:

அரிசி வகைகளுடன் உளுந்தை கலந்து ஒரு மணி நேரம் ஊறவைத்து மாவாக அரைத்துகொள்ளவும். வாணலியில் எண்ணெய் ஊற்றி அது சூடானதும் வெங்காயம், மிளகாய், தக்காளி ஆகியவற்றை கொட்டி நன்றாக வதக்கிக்கொள்ளவும். அவை ஆறியதும் மிக்சியில் போட்டு விழுதாக அரைத்து அதனை மாவில் சேர்த்து கிளறவும். தோசை மாவு பதத்துக்கு வந்ததும் உப்பு சேர்த்துக்கொள்ளவும். அடுப்பில் தோசைக்கல்லை வைத்து அது சூடானதும் எண்ணெய் தடவி தோசைகளாக சுட்டெடுக்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வெந்தய சுண்டல்


தேவையானவை:

முளைகட்டிய வெந்தயம் -1 கப்

காய்ந்த மிளகாய் - 3

பொடித்த வெல்லம் - 2 டேபிள்ஸ்பூன்

தேங்காய் துருவல் - ஒரு கைப்பிடி அளவு

எண்ணெய், உப்பு - தேவைக்கு

கடுகு, உளுத்தம்பருப்பு - சிறிதளவு

கறிவேப்பிலை - சிறிதளவு

செய்முறை:

முளைகட்டிய வெந்தயத்தை இட்லி தட்டில் வேக வைத்துக்கொள்ளவும். வாணலியில் எண்ணெய் ஊற்றி அது சூடானதும் கடுகு, உளுத்தம்பருப்பு, காய்ந்த மிளகாய், கறிவேப்பிலை ஆகியவற்றை சேர்த்து தாளிக்கவும். அதனுடன் வெந்தயம், உப்பு சேர்த்து கிளறவும். பின்னர் வெல்லம், தேங்காய் துருவல் தூவி லேசாக கிளறி இறக்கி ருசிக்கவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

உலர் பழவகை சுண்டல்


தேவையானவை:

முளைகட்டிய பச்சைப் பயறு - 1 கப்

பாதாம் -10 (துருவவும்)

பிஸ்தா - 10 (துருவவும்)

முந்திரி - 10 (துருவவும்)

பேரீட்சை பழம் - 10 (நறுக்கவும்)

உலர் திராட்சை - ஒரு டீஸ்பூன்

தேங்காய் துருவல் - ஒரு கைப்பிடி அளவு

உப்பு - தேவையான அளவு

செய்முறை:

முளைகட்டிய பயறுடன் சிறிதளவு உப்பு கலந்து இட்லி தட்டில் வேகவைத்துக்கொள்ளவும். அதனுடன் பாதாம், பிஸ்தா, முந்திரி, பேரீட்சை, உலர் திராட்சை ஆகியவற்றை கொட்டி கிளறவும். பின்னர் தேங்காய் துருவல் தூவி சுவைக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பட்டர் பீன்ஸ் சுண்டல்


தேவையானவை:

உறித்த பட்டர் பீன்ஸ் - 1 கப்

சோம்பு - கால் டீஸ்பூன்

கரம் மசாலாத்தூள் - அரை டீஸ்பூன்

தேங்காய் துருவல் - கால் கப்

இஞ்சித் துருவல் - 1 டீஸ்பூன்

எண்ணெய், உப்பு - தேவையான அளவு

கறிவேப்பிலை - சிறிதளவு

செய்முறை:

பட்டர் பீன்ஸுடன் உப்பு சேர்த்து வேகவைத்துக்கொள்ளவும். வாணலியில் எண்ணெய் ஊற்றி அது சூடானதும் சோம்பு, கறிவேப்பிலை, இஞ்சி துருவலை கொட்டி தாளிக்கவும். அதனுடன் பட்டர் பீன்ஸ், கரம் மசாலா தூள் சேர்த்து கிளறவும். மசாலா வாசம் நீங்கியதும் தேங்காய் துருவல் தூவி கிளறி இறக்கி ருசிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கோதுமை சுண்டல்


தேவையானவை:

முளைகட்டிய கோதுமை - 1 கப்

கடுகு, உளுத்தம்பருப்பு - சிறிதளவு

சீரகம் - கால் டீஸ்பூன்

இஞ்சித்துருவல் - 1 டீஸ்பூன்

பச்சை மிளகாய் - 3 (நறுக்கவும்)

தக்காளி -2 (நறுக்கவும்)

பெ.வெங்காயம் - 1 (நறுக்கவும்)

உப்பு, எண்ணெய் - தேவையான அளவு

கறிவேப்பிலை - சிறிதளவு

செய்முறை:

குக்கரில் முளைகட்டிய கோதுமையை வேக வைத்துக்கொள்ளவும். வாணலியில் எண்ணெய் ஊற்றி அது சூடானதும் கடுகு, உளுத்தம்பருப்பு, சீரகம், கறிவேப்பிலை ஆகியவற்றை கொட்டி தாளிக்கவும். பின்னர் வெங்காயம், தக்காளி, மிளகாய், இஞ்சி துருவல் ஆகியவற்றை கொட்டி கிளறவும். நன்கு வதங்கியதும் கோதுமை, உப்பு, தேங்காய் துருவல் ஆகியவற்றை சேர்த்து கிளறி இறக்கவும். நீரிழிவு நோயாளிகளுக்கு இந்த சுண்டல் ஏற்றது.

விரிவாக படிக்க இங்கே கிளிக் செய்யுங்கள் | READ MORE | CLICK HERE

அவித்த முட்டை பிரை செய்வது எப்படி

தேவையான பொருட்கள் :

  • முட்டை - 4
  • பச்சைமிளகாய் - 1 டீஸ்பூன்
  • புதினா -   சிறிதளவு
  • மஞ்சள்தூள்அரை டீஸ்பூன்
  • மிளகாய்த்தூள் - அரை டீஸ்பூன்
  • மல்லித்தூள் (தனியாத்தூள்) - 1 டீஸ்பூன்
  • கரம் மசாலாத்தூள் - அரை டீஸ்பூன்
  • உப்பு - தேவையான அளவு
  • மிளகுத்தூள் - அரை டீஸ்பூன்
  • எண்ணெய் - 4 டேபிள்ஸ்பூன்
செய்முறை :

  • கொத்தமல்லி, பச்சை மிளகாயை பொடியாக நறுக்கி கொள்ளவும். .மிளகாயை பேஸ்ட் செய்தும் போடலாம்.
  • முட்டையை வேக வைத்து ஓட்டை உடைத்து கத்தியால் முட்டையை சற்று கீறி கொள்ளவும். அப்போது தான் மசாலா உள்ளே போகும்.
  • அடுப்பில் நான் - ஸ்டிக் பேனை வைத்து 4 டேபிள்ஸ்பூன் எண்ணெய் ஊற்றி சூடானதும் நறுக்கிய பச்சைமிளகாய்/பேஸ்ட்டை சேர்த்து வதக்கவும்.
  • மிளகாயின் பச்சை வாசனை போனதும் புதினாவைச் சேர்த்து ஒரு பிரட்டு புரட்டவும்.
  • இத்துடன் மஞ்சள்தூள், மிளகாய்த்தூள், கரம் மசாலாத்தூள், உப்பு மற்றும் மிளகுத்தூளைச் சேர்த்து அடுப்பை மிதமான தீயில் வைத்து நன்கு கலக்கவும்.
  • பொடிகளின் பச்சை வாசனை போனதும் வேக வைத்த முட்டையைச் சேர்த்து கிளறவும்.
  • முட்டையில் மசால் ஏறிவிட்டதா என்று உறுதி செய்துவிட்டு அடுப்பை அணைத்து பரிமாறவும்.
  • சூப்பரான செட்டிநாடு அவித்த முட்டை பிரை ரெடி.
குறிப்பு :
பச்சைமிளகாயை பேஸ்ட்டாககூட உபயோகிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தேங்காய்ப் பாயசம்

தேங்காய்ப் பாயசம்
தேவையானவை:
 மெல்லிய நீளமாக நறுக்கிய
தேங்காய் - முக்கால் கப்
 பச்சரிசி - 3 டேபிள்ஸ்பூன்
 வெல்லம் - முக்கால் கப் (தேவைக்கேற்ப சரிசெய்து கொள்ளவும்)
 ஏலக்காய் - 1 (தூளாக்கவும்)
 முந்திரி - 10
 காய்ச்சிய பால் - கால் கப்
 நெய் - 1 டேபிள்ஸ்பூன்

செய்முறை:
அரிசியை அரைமணி நேரம் ஊறவைக்கவும். பிறகு மிக்ஸியில் தேங்காயோடு சேர்த்து கால் கப் தண்ணீர் விட்டு அரைத்து பேஸ்டாக்கவும். அரைத்தவற்றோடு 2 கப் நீர் விட்டு கலந்து, அடுப்பில் வைத்து கொதிக்கவிடவும். தீயை மிதமாக்கி 10 முதல் 12 நிமிடங்கள் வேகவிடவும். இடையிடையே கிளறிவிடவும். இல்லையென்றால் அடி பிடித்துக்கொள்ளும். அடுப்பில் மற்றொரு வாணலியை வைத்து கால் கப் தண்ணீர் விட்டு வெல்லத்தை கலந்து கரையவிடவும். பிறகு வடிகட்டி கொள்ளவும். அதிகமாக தண்ணீர் விடாமல், குறைவாக விடவும். அரிசி வெந்து கஞ்சி பதத்துக்கு வந்ததும் வடிகட்டிய வெல்லக்கரைசல், ஏலக்காய்த்தூள் சேர்த்து கிளறவும். எல்லாம் சேர்ந்து வந்ததும் அடுப்பை அணைத்துவிடவும். அடுப்பில் மற்றொரு வாணலியை வைத்து நெய் விட்டு சூடானதும் முந்திரியை நன்கு வறுத்து பாயசத்தில் சேர்க்கவும். இறுதியாக பாலை விட்டு ஐந்து நிமிடம் அடுப்பில் வைத்து பிறகு இறக்கி சூடாகப் பரிமாறவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கோதுமை ரவை ஸ்வீட் பொங்கல்

கோதுமை ரவை ஸ்வீட் பொங்கல்
தேவையானவை:
கோதுமை ரவை - அரை கப்
 வெல்லம் - அரை கப்
 பாசிப்பருப்பு - 2 டேபிள்ஸ்பூன்
 உப்பு - ஒரு சிட்டிகை
 ஏலக்காய் - 1 (பவுடராக்கவும்)
 தண்ணீர் - ஒன்றரை கப் + கால் கப்
 நெய் - 2 டீஸ்பூன் + சிறிது
 முந்திரி - சிறிதளவு

செய்முறை:
அடுப்பில் பாத்திரத்தை வைத்து ஒரு டீஸ்பூன் நெய் விட்டு முந்திரியை நிறம் மாற வறுத்தெடுத்து தனியாக வைக்கவும். அதே பாத்திரத்தில் ரவையைச் சேர்த்து வறுத்தெடுக்கவும். பிறகு, அதே பாத்திரத்தில் ஒன்றரை கப் தண்ணீர் ஊற்றி, வறுத்த ரவை, பாசிப்பருப்பு, உப்பு சேர்த்து மூடிப்போட்டு மிதமான தீயில் வேகவிடவும். மற்றொரு பாத்திரத்தை அடுப்பில் வைத்து கால் கப் தண்ணீர், வெல்லம் சேர்த்து கரையவிட்டு, அப்படியே வெந்து கொண்டிருக்கும் ரவை கலவையில் கலக்கவும். வெல்லக்கரைசலை ரவை உறிஞ்சியதும், 1 டீஸ்பூன் நெய் விட்டு கலக்கவும். பொங்கலில் இருந்து நெய் வெளிவர ஆரம்பிக்கும்போது நெய்யில் வறுத்த முந்திரி, ஏலக்காய்த்தூள் கலந்து கிளறி இறக்கி பரிமாறவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஸ்வீட் போளி ரெசிப்பி

ஸ்வீட் போளி ரெசிப்பி
தேவையானவை:
 சீனிக்கிழங்கு - 3
 வெல்லம் - 1 கப்
 துருவியத் தேங்காய் - கால் கப்
 ஏலக்காய் - 1 (பவுடராக்கவும்)
மாவு பிசைய:
 மைதா மாவு - 1 கப்
 மஞ்சள்தூள் - ஒரு சிட்டிகை (விருப்பப்பட்டால்)
 நெய்/எண்ணெய் - கால் கப்
 உப்பு - தேவையான அளவு

செய்முறை:
ஒரு பாத்திரத்தில் மாவு பிசைவதற்கு கொடுத்துள்ளவற்றைச் சேர்த்து போதுமான தண்ணீர் விட்டு பிசையவும். போளி செய்வதற்கு மூன்று மணி நேரத்துக்கு முன்பாக மாவைப் பிசைந்துவிட வேண்டும். மாவை மிருதுவாக பிசைந்து 4 மணி நேரம் ஊறவிடவும்.மாவு ஊறிக்கொண்டிருக்கும் நேரத்தில் பூரணத்தை ரெடி செய்துவிடலாம். சீனிக்கிழங்கை ஒரு பாத்திரத்தில் வைத்து, பிறகு சிறிது தண்ணீர் நிரப்பிய பிரஷர் குக்கரில் சீனிக்கிழங்கு இருக்கும் பாத்திரத்தைத் வைத்து, ஐந்து விசில் வரை விட்டு ஆவியில் வேக விட்டெடுக்கவும். ஆறியதும் கிழங்கின் தோல் நீக்கி மசித்து வைக்கவும். வெல்லத்தை சிறிது தண்ணீர் விட்டு கரைத்து, வடிகட்டி வைக்கவும். பிறகு அப்படியே கிழங்கில் சேர்த்து, மிதமான தீயில் அடுப்பில் வைத்து வேகவிடவும். இரண்டும் ஒன்றாக கலந்ததும் துருவியத் தேங்காய், ஏலக்காய்த்தூளைச் சேர்த்து எல்லாம் ஒன்று சேர்ந்து வரும்வரை கிளறவும். ஒட்டாத பதம் வரும்போது அடுப்பை அணைத்து ஆறவிடவும். பிறகு, விருப்பமான அளவில் உருண்டைகளாகப் பூரணத்தை உருட்டிக்கொள்ளவும். இப்போது பிசைந்து வைத்திருக்கும் மாவில் இருந்து நெய் பிரிந்து வெளியே வரும். மீண்டும் மாவைப் பிசைந்து ஒரே மாதிரியான சிறு உருண்டைகளாக உருட்டிக்கொள்ளவும். உருட்டிய உருண்டைகளை மாவு தொட்டு தேய்த்து, நடுவில் பூரணத்தை வைத்து மூடி, மீண்டும் போளி வடிவத்துக்கு தேய்த்து வைக்கவும். தேய்த்த மாவில் இருந்து எண்ணெய்/நெய் வெளிவர ஆரம்பிக்கும் என்பதால் போளி சுட நெய்/எண்ணெய் தேவையில்லை. ஆனாலும் நெய்/எண்ணெய் வேண்டும் என்று நினைப்பவர்கள் சிறிது எண்ணெய்/நெய் சூடான தவாவில் தடவி தீயை மிதமாக்கி போளியை இருபுறமும் வேகவிட்டு எடுக்கவும். போளியை தோசை கரண்டியால் மெதுவாக அழுத்திவிட்டால் பழுப்பு நிற புள்ளிகள் தோன்றும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அக்கார அடிசில்

அக்கார அடிசில்
தேவையானவை:
பச்சரிசி - அரை கப்
 பாசிப்பருப்பு - 2 டேபிள்ஸ்பூன்
 பால் - 2 + 1 கப்
 தண்ணீர் - அரை கப்
 வெல்லம் - அரை கப்
 சர்க்கரை - 2 டேபிள்ஸ்பூன்
 நெய் - கால் கப் + 1 டேபிள்ஸ்பூன்
 ஏலக்காய் - 1
 முந்திரி - 6
 குங்குமப்பூ - 3 நரம்பு

செய்முறை:
குங்குமப்பூவை ஒரு டேபிள்ஸ்பூன் பாலில் ஊறவிடவும். குக்கரை அடுப்பில் வைத்து 1 டேபிள்ஸ்பூன் நெய்விட்டு முந்திரியை உடைத்து சேர்த்து பொன்னிறமாக வறுத்தெடுத்து தனியாக வைக்கவும். அதே குக்கரில் அரிசி, பருப்பை ஒன்றன் பின் ஒன்றாகச் சேர்த்து மிதமான தீயில் வறுத்து பிறகு பால், தண்ணீர் சேர்த்து கொதிக்கவிடவும். ஒரு கொதி வந்ததும் மூடிப்போட்டு மூன்று விசில் வரை வேகவிடவும். குக்கரின் உள்ளே ஒரு பாத்திரத்தை வைத்து அதில் சமைப்பதாக இருந்தால் ஐந்து விசில் வரை வேகவிடவும். அரிசி-பருப்பு நன்கு வெந்ததும் மசித்து விடவும். இத்துடன் மீதமிருக்கும் 1 கப் காய்ச்சிய பாலைச் சேர்த்து மசித்து, அடுப்பில் வைத்து வேகவிடவும். பிறகு, 2 டேபிள்ஸ்பூன் நெய், தூளாக்கிய வெல்லம் சேர்த்து வெல்லம் கரைய கலக்கவும்.மேலும் 2 டேபிள்ஸ்பூன் நெய், சர்க்கரை சேர்த்து கைவிடாமல் கிளறவும். தீயை மிதமாக்கிக் கொள்ளவும். 4 நிமிடங்கள் வரை கிளறி, குங்குமப்பூ ஊறிய பாலை குங்குமப்பூவோடு சேர்த்து,மேலும் 2 டேபிள்ஸ்பூன் நெய் ஊற்றி கிளறிவிடவும்.இரண்டு நிமிடங்கள் கைவிடாமல் கிளறி, இறுதியாக 2 டேபிள்ஸ்பூன் நெய் விட்டு ஏலக்காய்த்தூள், வறுத்த முந்திரி சேர்த்து கிளறி இறக்கி பரிமாறவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஏழு கறி கூட்டு

ஏழு கறி கூட்டு
தேவையானவை:
 பாசிப்பருப்பு - கால் கப்
 வாழைக்காய் - ஒன்றில் பாதி
 மஞ்சள் பூசணிக்காய் - ஒரு சிறு துண்டு
 சர்க்கரை வள்ளிக்கிழங்கு - ஒன்றில் பாதி
 ஃப்ரெஷ்ஷான மொச்சை -
கால் கப்
 அவரைக்காய் - 15
 கருணைக்கிழங்கு - ஒரு சிறிய துண்டு
 சேப்பங்கிழங்கு - 2
 மஞ்சள்தூள் - கால் டீஸ்பூன்
 உப்பு - தேவையான அளவு

அரைக்க:
 துருவிய தேங்காய் - அரை கப்
 சீரகம் - அரை டீஸ்பூன்
 பச்சை மிளகாய் - 5
 அரிசி மாவு - கால் டீஸ்பூன்

தாளிக்க:
 எண்ணெய் - 2 டீஸ்பூன்
 கடுகு - 1 டீஸ்பூன்
 கறிவேப்பிலை - சிறிது

செய்முறை:
அடுப்பில் குக்கரை வைத்து பாசிப்பருப்பைச் சேர்த்து தண்ணீர் ஊற்றி 2 விசில் வரை விட்டு வேகவிடவும். கருணைக்கிழங்கு, சேப்பங்கிழங்கு, சர்க்கரை வள்ளிக்கிழங்கு ஆகியவற்றின் தோலை நீக்கி விடவும். பிறகு, கழுவி சின்ன சின்ன சதுரங்களாக நறுக்கி வைக்கவும். அவரைக்காயை பொடியாக நறுக்கி வைக்கவும். அடுப்பில் பாத்திரத்தை வைத்து ஒரு கப் தண்ணீர் ஊற்றி நறுக்கிய காய்கறிகளைச் சேர்த்து வேகவிடவும். இத்துடன் மொச்சை, மஞ்சள்தூள், உப்பு, தோல் நீக்கி நறுக்கிய வாழைக்காய் மற்றும் மஞ்சள் பூசணியைச் சேர்த்து காய்களை வேகவிடவும்.அரைக்கக் கொடுத்தவற்றை தண்ணீர் விட்டு மிருதுவாக அரைத்தெடுக்கவும். காய்கள் வெந்ததும், வெந்த பருப்பு மற்றும் தேங்காய் கலவையைச் சேர்த்து வேகவிடவும். பிறகு தாளிக்க வேண்டியதைச் சேர்த்து தாளித்து காய்களில் கொட்டி கிளறி இறக்கி பரிமாறவும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE